ياريت بجد نحب بجد روحنا ونعيش ذاتنا ومنحلمش نكون غيرنا لاننا مش عرفين حال غيرنا


منتمناش ال فى ايدى الاخرين لاننا لانعلم دفعوا ايه علشان يكونوا كده وصدقنى كل حاجه ربنا خلقها بحساب


ومفيش كامل غير سيدنا وحبيبنا سيدنا رسول الله خاتم الرسل والانبياء عليه الصلاة والسلام

كون نفسك وحقق زاتك وبص لناس انحرمت من نعم ربنا حباك بيها وحمد ربنا فى كل وقت ومكان


متقولش انا ايه قول ممكن اكون ايه ومتقولش ليه وشمعنا وقول الحمد لله على كل نعمة تتمتع بيها وغيرك محروم منها


انا مش جميل بس اكيد روحك اجمل عنيه مش جمال بس موجدين ودا كفايه رجلى قصيره او طويله بس مش نقصين


فكر فكر عارف انه صعب لاننا بشر بس اقعد وتمهل فى التفكير وبص حواليك اكيد هاتلقيك مبسوط لان فيك كتير مش فى الغير كفايه انك بين اهلك وبصحتك وبتنام فى فراشك عارف فيه احسن بس مين قالك انهم راضين بالعكس لما بيشفوك مبسوط بيحسوا بالنقص الفرق بينك وبينهم كبير انت مقتنع لكن هما للاسف نسين ان القناعه كنز لا يفنى قول الحمد لله وحمده فى كل وقت ومكان وعرف انك مهما عشت اكيد هاتكون نهايتك زى اى انسان وهايكون ليك نفسى الريح بس هاتلاقى هناك انسان يرفعك ويعليك وانسان يهدك وفى النار يرميك اختار مين تحب تصاحب فى قبرك







راحة البال




كنز لا دهب ولا ماس


لكن فى القلوب ينحس

تلقيه حلم كل الاجناس

فقير غنى يتمنى بيه يحس

مش بالمال ينجاب ولا بيه ينحس

مفيش غير انك ترمى الدنيا ورى ضهرك وبيه تحس

تنام وتغمض وانتى خالى البال مش بالمشاكل تحس

مش تفكر بكره هايكون فيه ايه وايه هاجنى وباه هاحس


تسلم امرك لرب الكون وتعلم انه هو القادر وبس


يرزق ويخسر ويكسبك عطف وحب الناس

تعيش بين اهلك مطمن وقلبك عامر بحب الله وبس


مش تفكر فى بكره وتخطط لسنين وممكن فى ثانيه بين التراب تندس


حب و عيش بقلب محب وخلص ووفى وحترم كل الناس
تلقى الحب جايزتك والصدق والاخلاص فى عيون الناس

قابل الشر بالخير وعدل ولو فيوم ابتليت اعلم انه اختبار من رب الناس


قبله بصدر رحب وتقبله ورضى ما انته كده كده هاتعيشه وبيه هاتحس

وشكر ربنا على حياتك وعلم ان تحت منك ناس تتمنى تكون مكانك وباحساسك تحس


ومتبوصش للفوق دا للفوق مشاكل كتيره وياما ربنا رحمك منها وعفاك انك بيها تحس

وشكر وحمد ربنا فى كل وقت وفى كل مكان وعبده وخلص ليه وبس


وساله الخير والبركه والصحه والعافيه وراحة البال دا راحة البال كنز وحلم ياريت به نحس



يعنى اهداء منى لكل زوار مدونتى ويارب تعجبكم وكل سنه وانتم طيبين




22 التعليقات:

  1. غير معرف says:

    اووووووووووووووول تعليق لحنونه

  1. غير معرف says:

    ياريت كل واحد يفكر كدا

    ياريت كل الناس تقدر تعمل دا

    اهم حاجه راحه البال فعلا

    ياريت كلنا نقدر نوصل لراحه البال

    بوست جميل والكلمات اجمل

    تسلم ايدك

    حنين

  1. ازيك يا اونكل ايهاب

    مش عارفة ليه بحس انك ارق واطيب انسان في الدنيا
    هو كدة ولا انا غلطانة؟؟؟

    موضوعك حلو جدا وياريت كلنا نعمل كدة وناخد بكلامك ده

    الحمدلله على كل حاجة وربنا يرضينا بما نحن فيه
    اللهم لك الحمد والشكر حمدا طيبا طاهرا مباركا كما ينبغي لجلال وجهك وعظيم سلطانك

    رضيت بالله تعالى ربا وبالاسلام دينا وبسيدنا محمدا (ص)نبيا ورسولا

    كل سنة وانت اطيب الناس وربنا يتقبل منك رمضان

    تحياتي

  1. Unknown says:

    جميل الكلام جداا ومريح كنت محاتجة اسمعةوالكليب كمان جميل وراحة البال مش ممكن نقدر نشتريها بالمال ويل يقدر يوصلها هتكون دية السعادة الحقيقية كل سنة وانتة بخير وصحة ومرتاح البال ..........

  1. السلام عليكم

    هيا راحه البال الكلمه السهله

    البسيطه واللى جواها الف معنى ومعنى

    راحه البال

    ربنا يرزقنا جميعا راحه البال

    البوست جميل جدا

    تسلم ايديك

    وكل سنه وانت طيب وفى صحه وراحه بال


    فى حفظ الله

  1. بص يا سيدي

    انا هقولك برضو وانت خمن

    أنا اسمي من تلت حروف
    ومذكور مرتين في القرآن
    ومعناه العقل
    أن في ذلك لآيات لأولي ....
    فاذكروا يا أولي ....
    كمان أخر حرف في اسمي ياي أو الف

    عروستي

  1. سلمى says:

    كل عام وانت بالف خير
    كلاماتك رائعه
    دمت فى سعاده

  1. السلام عليكم
    معلش يمكن مقرتش المدونه لكن لقيت حضرتك رديت عندي في مدونتي بطريقه حسستني انك تعرفني
    وتعرفني لدرجه تسمح انك تهزر معايا!!!
    بس للاسف معرفتش مين حضرتك ومش كاتب حاجه عنك فقلت اسألك ؟؟

  1. ان في ذلك لآيات لأولي النهى
    فاذكروا يا أولي النهى

    يعني انا اسمي نها
    انا نها بالالف
    nohaaaaaaaa
    وعلى فكرة اسمي مش سر ولا حاجة بس انا كنت بهرج معاك

    عروستي

  1. أبدا لن انساك
    ربي مهما طال العمر أبدا لن انساك
    ربي قد طلبت يد العون طمعا في هداك
    ربي قد أسرفت في زنوبي ولن يرحمني الاك
    ربي اغفرلي وسامحني مالي سواك
    ربي اني أبصر وأسمع بفضل رضاك
    ربي قد يتفتت الكون وتهبط السماء على الارض لولاك
    ربي قد أسلمت روحي وجسدي فداك
    ربي كيف انساك وكل خلق خلقته يعيش في حماك
    ربي قد ذادت نعمك علي فهل يمكن أن انساك
    لا والله أبدا ابد
    اتمنى كل واحد فيا يفتكر ربنا فى كل حاجه ويبقى فى قلبه على طول . كلامك جميل يا ايهاب وفى الصميم وبيمس القلب والعقل اتمنى كلنا نقرءها ونفهمه ونعمل بيه (متقولش انا ايه قول ممكن اكون ايه ومتقولش ليه وشمعنا وقول الحمد لله على كل نعمة تتمتع بيها وغيرك محروم منها)حلوه اوى دى عجبتنى جدا واخيرا الحمد لله عدد ماكان وعدد مايكون وعدد الحركات والسكون.

  1. حنين
    يارب دايما كده يعجبك كلامى وتنورى مدونتى بكلامك الجميل





    زهور الامل
    اهلا بيكى يابنت يا ن....يارب كده تفضلى تزورينى وتعلقى وعلى فكره انا الحمد لله مش شرير بس مش اهبل عروستى
    رقيق يمكن لانك رقيقه وطيبه وجميله فبتشوفى كل شيىء زيك بس معتقدش مهما كنت هاكون زيك





    المظلومه
    منورانى وحشانى والله كتير انتى فين غايبه يارب تكونى بخير وبصحه جيده لسه بارده مش عاوزه تقوليلى انتى مين على العموم المهم انك بخير وكل سنه وانتى طيبه





    ليس فقيرا من يحب
    هويتك فهوية فى هواكى فرفعنى حبك لصفة الملاك ونقلنى من العبوديه لذوى الاملاك فانا املك حبا لو وزع على من فى الارض والسماء لزاد صح زى مقولتى ليس فقيرا من يحب بل من الاثرياء
    نورتينى واسعدنى كلامك ومرورك
    وكل سنه وانتى طيبه






    سلمى
    دام احساسك الرقيق ودامت زيارتك التى تضفوا على مدونتى عبيرا خاص وتزيدها فخرا بين المدونات كل سنه وانتى بخير وبصحه وسلامه انتى ومن تحبى






    بنت الماضى
    انا روحت مدونتك لقتنى مزورتهاش قبل كده ومفيش هناك تعليق يمكن غلطه مطبعيه بس صدفه جميله لزيارتك







    دعاء الكروان
    ابدا لن انسى هذه الكلمات لانها منكى مش عارف اقول ايه بعد كلماتك الجميله دى ورقتك المعتاده وزيارتك التى تعطى مدونتى وتشعرنى بزهو وفرح من نوع خاص
    دعاء الكروان لو انى قلت لكى فماذا اقول غير
    سبحان من صوركى بشرا وقمرا يهدينا فى الظلام
    فلحسنك وسحرك تذوب لكى الجبال فما بالك بمثلى انسان ضعيفا لا يقوى على الكلام
    صدقينى مهما كتبت قليل ومهما وصفت فوصفى لكى رمله فى بحر كبير من صفاتك الملائكيه دمتى ودام لى احساسك الجميل
    وكل سنه وانتى بخير وطيبه انتى ومن تحبى

  1. noon kiko says:

    كلام جميل وكلام معقول مقدرش اقول حاجه عنه
    بجد تسلم ايدك
    انا والله مقصره جدا ف الزياره بس النت فاصل من يومين له اكت من يومين
    بس انا جيت
    وعاجبنى البوست كتير
    طبعا الحمد لله على كل حال
    انا حتى اوقات لما الدنيا بتضيق بيا اوى بضحك وكتير يقولولى يا هبله بتضحكى على ايه؟بقولهم وانتو مالكم انا بضحك وخلاص لان الدنيا مش مستاهله نبص لغيرنا ونقول اشمعنا
    متهيالى الوقت اللى هنقول فيه اشمعنا نقر احنا نوصل بيه للى احنا عايزينه

    انا معاك اوى ف البوست الجميل ده

  1. اللهم لك الحمد حمدا لا منتهى له دون علمك الهم لك الحمد حمدا لا منتهى له دون مشيئتك اللهم لك الحمد كما ينبغى لجلال وجهك وعظيم سلطانك

    سبحان الله لسه بقول ياريت تنوع بس سباتنى المره دى
    جميل البوست والله
    ربنا يراضيك ويرضى عنك
    وكل سنه وانت طيب

  1. السلام عليكم ورحمة الله

    جزاك الله خيراا على البوست الراائع دا
    بجد لو كل انسان يرضى باللى ربنا انعم عليه بيه ويتوكل على ربنا فى كل شىء ويبقى عنده يقين انه اى حاجه يقدرها له ربنا هيبقى فيها خير له سواء فيها فرح او حزن لان كلها ابتلاأت من ربنا بيختبر فيها عبده ويحمد ربه على كل حا اكيد هيبقى مرتاح البال وقلبه مطمئن بايمانه ورضاه بقضاء ربنا
    يارب يرزقنا جميعا نعمة الرضا
    ويجعلنا من عباده الصالحين

    جزاك الله خيرااا

  1. كل عام وانتم إلي الله أقرب رمضان كريم
    همسة ود غير مكتوبه
    كارت رمضان من تصميمي
    اتمني يعجبكم http://hmasat-elqlm.blogspot.com/

  1. انا عندي مدونه ارشيف الظاهر دي الي حضرتك شفتها
    عموما نورتني ومنتظره ردود اكتر ومدونتك جديرة بالقراءة
    رمضان كريم

  1. صدفه
    حبيت اقول
    كل سنه وانت طيب
    ويارب يارب تحقق كل احلامك وتنول اللي بتتمناه
    قول امين
    رمضان كريم

  1. ------ says:

    ازيك ايهااب
    كل سنة وانت طيب
    ايه الجمال دا بوست اكتر من رائع
    المفروض كل واحد ميفكرش يكون حد يقعد مع نفسوا انا ليه مبحبش نفسى فيا حاجة مش عاجبانى وموجودة فى شخص ليه مغيرش نفسى بس من غير تقليد اغير واتميز
    وتعرف ان ممكن الواحد يكون جواه حاجة جميلة هو مش حاسس بيها وغيره بيحسده عليها فدور جوه نفسك ايه المميزات ومنها هيحب نفسه كتيييير

    تقبل مروورى
    وسعدت جدا بزيارة مدونتك اللذيذة

  1. yasmina says:

    هاااااااى ازى حضرتك بجد الكلام فى منتهى الجمال وبجد لو كل واحد فكر كدة الدنيا هتبقى اجمل واجمل . وحقيقى احلى حاجة فى الدنيا راحة البال. وحقيقى انا كدة مش هقدر على كل النصائح دى . ودى فعلا احلى حاجة فى كلام حضرتك

  1. ------ says:

    ايهاب
    اية الشطارة دى
    لا كدا تاخد عشرة على عشرة
    اول تعليق بشكرك على الاهتمام
    وبعدين ربنا يخليك على المجاملة الرقيقة دى
    واكيد انى بتابع مدونتك على طول لانها مفضلة
    اممممم دموع القمر معرفش بس انا بحب الاسم دا
    اول ما انطقوا بحس بجمال الليل والقمر بدر والنجوم متجمعة جنبه وفى نفس الوقت بحس احساس جميل بس برضو حزين فتخيلت ان القمر بيدمع بيشاركنى حزنى
    ساعات اتخيل ان مع دموع القمر المطر نازل هههههه
    غريييبة صح

    بس سعدت جدا بمرورك بالمدونة وانك اول المعلقين

  1. السلام عليكم

    سعيدة جدا بأول زيارة لي لهذذة المدونة القيمة .....

    ياريت بجد أقدر أوصل لراة البال

    تحياتي
    سلمي

  1. السلام عليكم / كل سنه وانت طيب وربنا يتقبل منا ومن كل المسلمين اجمعين ورمضان كريم



    تحياتى /سندريلا

جديد القوالب المعربة

About this blog

/شوف ياترى حبك اد ايه

اختبار الحب

اختبار الحب بين شخصين ... اكتب اسم الشخص الاول ثم اسم الشخص الثاني واضفط على احسب ... تكتب الأسماء بالحروف الإنجليزية فقط.

+ =

beautiful rose for all

/الوقت مش دقايق بتعدى لا دى دقايق من العمر للاسف بتروح وعمرها ما بترجع

/ايام من العمر بتعدى وبتمر فيها الحلو زى مافيها المر

/العب محدش واخد منها حاجه

/اخبار اهرام جمهوريه

About Me

صورتي
[Photo] سألتنى من انت فاجبتها انا انسان شديد الباس غامض الملامح الاحزان هى عنوانى وارفض ان يشاطرنى احد احزانى وهمومى اعشق التملك حتى فى احزانى قالت ولكن مالاحظتة انك سعيد ومبتسم واظن انك اسعد الناس ان لم تكن اسعدهم على الاطلاق فقلت سيدتى اننى وانا فى قمة احزانى تجدينى منتشى لا اسمح ان يشاهد احد دموعى اتكلم مع الناس واضحك معهم وانا مجروح جرح يدميني ويقتلنى انا انسان مطعون فى قلبى بسهم مسموم واعلم ان ضربة وطعنة العشق تكون مثل طعنة الرمح اذا اذهب الوقت جرحة بقى اثرة لا يزول فما بالك بقلب الى الان لم يندمل والى الان ينزف وكأن الجرح واليد اليوم وهو من سنين ولكن لا تغرك كثرة الرماح التى بقلبى فانا احمل واصبر على جرحى دون ان تزرف عينى دمعة واحدة امام الناس لانى صبور على جرحى كتوم على همى واذا رايتنى اضحك وبصوت عالى فاعلمى اننى فى قمة حزنى فصرخت ....اننى اليوم اراك سعيدا جدا هل هذا يعنى انك!!!!!!!!فضحكت ضحكة عالية نعم والقلب بدء ينزف لذلك بدل ان اصرخ الاه ضحكت بقوة.

بحث هذه المدونة الإلكترونية

tone

Followers

fire