السلام عليكم ورحمة الله وبركاته
انا اسمى ايهاب ويمكن كتير يعرفنى وطبعا اكتر لا بس المهم انى نفسى نعمل حاجه كويسه بجد نحس اننا بجد عرفنا قيمة النت بدل ما بنستخدمه فى حاجات كتير مش ليها لازمه ايه رايكم اننا نعرف بعض ونقرب من مشاكلنا وبلدنا احنا فينا تخصصات كتير ومستوى ثقافى مختلف فيه واحد ممكن يسمع برنامج فى وقت ان التانى بيسمع برنامج اخر  ايه رايكم نستفيد كلنا من بعض ونحاول نفهم تفكير كل البلاد وقرانا ودنا وحياتنا وكل حاجه عننا سعات بتحس انك مضايق وسعات بتحس انك بتعمل حاجه ومش عارف صح ولا غلط ممكن تحتار لكن لو مجموعه معاك وكل واحد يقول رايه ممكن توصل لبر الامان وتعرف الصح  مش هانذكر اسم بس ممكن نقول المشكله فى حدوته قصه شعر زجل اى حاجه بهدف اننا نعرف حل ونعرف ازاى نوصل للطريق الصح  كتير مننا يجهل كتير فى الدين احنا بشر مش ملايكه ممكن اسال وناس ها تساعدنى نعمل جريده نتتاقش فيها تكون بتاعتنا خاصه بينا نحاول نقرب شويه من انفسنا ونساعد بعض  طبعا اتمنى ان يكون فيه ناس ونفسها تشترك  العد هايكون محدود وهما بس هايكونوا مسئولين عن المدونه وتنظيمها وتعديل فيها والجزء التانى اختيار المواضيع  وبحث عن معلومات وجمعها وجزء يرد وكلنا فى الاخر هاناقش مشكلتنا لحد ما نوصل للصح  مستنى اعرف مين ممكن يشترك طبعا انا مسافر لما ارجع باذن الله هاتكون فيه ناس اشتركت بالفعل وهما بيجهزوا المدونه الان بس هانعرف مين ممكن ينضم لينا
واشوف وشكم على خير




النت النتوت دخل كل البيوت
عرفه الكبير والصغير وبنت البنوت
الصغير قبل الكبير عليه هايموت
وتقسم الناس احزاب وعناصر وفئات
منهم قال لهو وحرمه وقال رفات
وحرام وعيب وبيضيع العمر فى تفهات
وكفايه بيلهيك عن ذكر الله وبتنسى معاه الواجبات
وتشوف عرايه ووتسمع كلمات وتخش من عليه شات
وتكلم محارم وبنات وتسمع اغانى وكتير بتلاقى محرمات
دا فتنه وبدعه من الغرب علشان نضل وننسى الواجبات
قم صلى وشكر وحمد رب العالمين وسبع سموات
اما العناصر فاليها راى ومقولات
دع مايريبك وستفتى قلبك وجتنب الشبهات
والنت دا فيه كويس زى مهو ملان نفاهات
بس نخشى على ضعيف اكتر من القلبه مات
لانه ممكن فى ثانيه يتوه وسط عالم ماليان معلومات
فيه صح وغلط وياما من التفاهات
نخاف ينسى نفسه ويبقى قلبه زى المات
فنبعد فى البعد غنيمه وبعد عن الشبهات
لكن مش بنحرمه ونقول فسق بس ممكن نقول متاهات
عاوزه قلب وفكر سليم يقدر يفهم مش بغبغان يقلد من سكات
مش بننصح حديث السن ونخاف عليه من الافكار والمعلومات
ممكن تخده وفى توهه تسجنه تنسيه نفسه وتسكنه الخرافات
فستفتى قلبك وسيبه يختار وحكم عقلك فى كل الفات
لكن الفئات كان ليها حكم وراى عن النت قالت
احنا بشر مش بنحلل ولا بنحرم ولا بنصدر فرمانات
احنا ناس عاديه لقت فى النت استفاده وكتير مميزات
لو اكلمنا على الدين هانقول مليان احاديث وكتب ومحفوظات
محفوظه بجد مش محبوسه فى ارفف وعليها كوم تراب
فى اى موضوع تلاقى فى ثانيه حكمه وبكذا رائى وكتير من الاثباتات
شيوخ واهل دعوه تلقا ليهم على النت موضوعات
اخبار اهرام تقرء وتابع وتعرف منه الحكايات
تتعرف منه على ناس فى بلاد صعب الزيارات
تكتسب ثقافه وتعرف عادات وتقاليد شعوب وكتير معلومات
وممكن تنشر الاسلام الى ابعد مكان وتعرف ناس يعنى ايه ايمان ومعتقدات
نسينا ال المانيه ال اسلمت على يد صحبتها من العرب من النت
ولا ام حرمها الزمن تشوف ابنها وتسمع منه بعض الكلمات
شوف النت ازاى قصر المسافات
مش بسطاجيه وشيع تلغرافات تاخد ايام وشهور وتلف الفات
وممكن ترجع تانى لمكانها ويقول غلط ولم يستدل على العنوان
رسم البسمه على وش ام لما شافت ابنها وسمعت منه السلامات


مننكرش انه خطر بس زى مالسكينه بتتقتل بنقطع بيها القمات
وزى الكهرباء مابتصعق بنور بيها العتاب
انا مش هنسى بسمت ستى لما شفتنى بكلم صحبى بينى وبينه بلاد ضحكت
وقالت اه ياولادى كنا زمان بنشيع جوبات
وروح للكاتب ونحكيله وهو يكتب بحبره وقلمه البوص ويرص الحكايات
سبحان الهدى البشر وخلاهم يعرفوا كيف يخلوا الحديد يكتب ويسارع البرق فى الرسالات
ولكل شيىء ميزه وعيب وزى مابتاكل الفاكهه حلوها وتسيب العاتب
خد من النت الفيه وسيبك من التلفان مستغرب


ياله نبقى ايد واحده ونعرف ال نجهله  وطبعا اول عشره هايكونوا من المسئولين ياترى ها يبقوا مين
دعواتكم  واشوف وشكم على خير

10 التعليقات:

  1. ابهاب
    عنى لازم اعمل كومنت علشان تعرف
    معاك ان شاء الله
    تروح ورتجع بالف سلامه يارب

    زهراء

  1. عليكم السلام ورحمة الله وبركاته

    برده مش اول تعليق

    فكرة حلو اووووى

    هكمل القرأة وأرجع تانى بعد شوية

  1. كل حاجة لها مميزات وعيوب وللأسف أحنا اللى أستخدمنا خطا لها
    واتمنى جدااا الحياة اللى بتكلم عنها تكون موجودة وأن يكون تعاليم ديننا هى المنبر الرئيسى فى كل حاجة فى حياتنا
    ونصحى الضمير شوية

    **صحوة ضمير**
    *********

    استيقظ
    اصبح الامل معدوما لك
    استيقظ
    واصنع حلم
    لاتبكى لمجرد البكاء
    لاتعي فى حزن وآلآم
    تخلص من همومك
    ولا تتركنى
    اجعلنى اقرب الى نفسى......

    دمت بخير

  1. أه طبعا معاكم

    وانا بدأت من أيام بحاجة بسيطه
    فى العنوان ده
    ليا موضوع على الرابط

    http://blackblogarab.blogspot.com/

    مرسي جداااااااااا ليك

  1. الكليب فعلا تحفة جميل جدااااا

  1. Tarkieb says:

    أي حاجة في الدنيا فيها كدة ولا كدة المشكلة ان الجماعة اللي موجديين دلوقتي مفيش في دماغهم غير كدة

  1. طبعا فكره رائعه
    ربنا ينفع بيك يارب
    وتروح وتيجى بالسلامه ان شاء الله

  1. فكره حلوه اوى
    انا معاك لو تحب
    تحياتى

  1. السلام عليكم
    ألف حمد لله على سلامتك

  1. خواتم سيدنا أيوب .بإذن الله


    بإسمك يا رب:خواتم سيدنا أيوب هي خمسة بعدد أصابع اليد كما ألهمني بها الله .*الصحة:ودلالتها إصبع الإبهام.* العمل ودلالته إصبع االسبابة.*رضاء الله:ودلالته إصبع الوسطى*.المحبة:ودلالتهاإصبع الخنسر*.الصبر:ودلالته البنصر*.في ما يلي تفسير دقيق عن كل معنى من هذه المعاني:*1:إصبع الإبهام وهو محرك اليد به تقوم بجميع وظاءفها فهو رأس الحربة وهو الصحة*مثل لذلك :نمسك القلم للكتابة دون إصبع الإبهام فلا نستطيع الكتابة على أحسن ما يرام.*2إصبعالسبابة نشيربه لشيء وهو رمز العمل في حياتنا.*3إصبع الوسطى وهو أكثر الأصابع عرضة للحوادث وهو أكثرهم تضحية مثل الوالدين:فرضاءهما هو رضاء الله.*4إصبع الخنسرهو الذي يضع فيه من قديم الزمان خواتم الحب بين طرفين:فالله من أحب عباده يحبه.*5إصبع البنصر نستعمله في بعض الأحيان في عمليات التنظيف بعض أجزاء من البدن بالصبر والتأني مثل لذلك (الأذن والأنف...).فالله يكون مع عبده لأن الله مع الصابرين.الخلاصة:أهم خمسة نصاءح إذ عملت بها عشت سعيد بإذن الله **حافظ على صحتك وعملك ورضاء والديك ومحبة الناس وكن صبورا(.فحفظ عني إثنان وربطهما بثلاث وإذا لاقدرالله فقدت الإثنان الأولان فإستحظ بالثلاثة الأخرين فإن شاء الله يرجع لك بهما الإثنان الأولين) عن:عبد الرؤوف عبد السلام:بمشاة الله نكون اصدقاء

جديد القوالب المعربة

About this blog

/شوف ياترى حبك اد ايه

اختبار الحب

اختبار الحب بين شخصين ... اكتب اسم الشخص الاول ثم اسم الشخص الثاني واضفط على احسب ... تكتب الأسماء بالحروف الإنجليزية فقط.

+ =

beautiful rose for all

/الوقت مش دقايق بتعدى لا دى دقايق من العمر للاسف بتروح وعمرها ما بترجع

/ايام من العمر بتعدى وبتمر فيها الحلو زى مافيها المر

/العب محدش واخد منها حاجه

Loading...

/اخبار اهرام جمهوريه

About Me

صورتي
[Photo] سألتنى من انت فاجبتها انا انسان شديد الباس غامض الملامح الاحزان هى عنوانى وارفض ان يشاطرنى احد احزانى وهمومى اعشق التملك حتى فى احزانى قالت ولكن مالاحظتة انك سعيد ومبتسم واظن انك اسعد الناس ان لم تكن اسعدهم على الاطلاق فقلت سيدتى اننى وانا فى قمة احزانى تجدينى منتشى لا اسمح ان يشاهد احد دموعى اتكلم مع الناس واضحك معهم وانا مجروح جرح يدميني ويقتلنى انا انسان مطعون فى قلبى بسهم مسموم واعلم ان ضربة وطعنة العشق تكون مثل طعنة الرمح اذا اذهب الوقت جرحة بقى اثرة لا يزول فما بالك بقلب الى الان لم يندمل والى الان ينزف وكأن الجرح واليد اليوم وهو من سنين ولكن لا تغرك كثرة الرماح التى بقلبى فانا احمل واصبر على جرحى دون ان تزرف عينى دمعة واحدة امام الناس لانى صبور على جرحى كتوم على همى واذا رايتنى اضحك وبصوت عالى فاعلمى اننى فى قمة حزنى فصرخت ....اننى اليوم اراك سعيدا جدا هل هذا يعنى انك!!!!!!!!فضحكت ضحكة عالية نعم والقلب بدء ينزف لذلك بدل ان اصرخ الاه ضحكت بقوة.

بحث هذه المدونة الإلكترونية

tone

Followers

fire